Fonte e lavadoiro da Estación

Fonte e lavadoiro da Estación - Catoira - Santa Baia de Oeste

Imaxe: Arquivo Deputación de Pontevedra

Fonte e lavadoiro na Estación, actualmente desaparecida. Até finais dos anos 80 estaba na curva da Estación, onde a chamada Casa de Abel e preto do antigo comercio de Elisa Guillán. Emprazábase ao lado dun camiño estreito coñecido como o “camiño de vacas”, polo que só pasaba un carro de gando, do cal quedaba moi estreito para os novos vehículos máis anchos, polo que fixeron uns arranxos para amplialo, quitando o teito e a mesa e deixando só a fonte. A fonte tiña dous canos que botaban auga de miudiño, unha especie de mesa con repisa (onde apoiar as tallas, lavar a roupa ou descansar), un teito cónico rectangular apoiado en catro columnas e unhas escaleiras para acceder.

Máis adiante a fonte desapareceu por un novo aumento da estrada a finais dos anos 90, e aproveitouse para canalizar a auga até a fonte en forma de ra, feita pola Escola de Oficios de Catoira, diante da Capela de San Xosé Obreiro. Anteriormente, a auga ía desembocar até a finca de Rañó.

A zona da Estación é moi coñecida polo acuífero que se atopa no solo, do que as casas circundantes a aproveitan e teñen pozos. A fonte foi testemuña do paso da veciñanza e as súas historias das que aínda permanecen na memoria de quen viviu a súa existencia.

  • COLABORA

  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo

Muíño de Bouzón

Muíño do Fondego

Muíño Boso de Eiró de Abaixo

Fonte da Estación