Igrexa Parroquial de Pontecesures

Igrexa Parroquial de Pontecesures - Pontecesures - San Xulián de Requeixo

Imaxe: José Alberto Solla Barreiro

A partir do ano 1968, San Xulián de Requeixo, quedou desligado da parroquia de Santa Mariña de Herbón (Padrón) por mandato do Arcebispo de Compostela, Miguel García Cuesta. Até entón o culto víñase celebrando na antiga Capela de San Xulián e na desaparecida Capela de San Lázaro, vinculada ao Lazareto de San Lois. No ano 1875, unha xunta parroquial acordara construír un novo templo en Requeixo. A nova Igrexa Parroquial de Pontecesures construíuse co esforzo de todos os veciños, quedando inaugurada o 8 de outubro de 1893. Deste xeito San Xulián quedou como capela.

Trátase dunha igrexa dunha soa nave (32 metros de longo e 8 metros de ancho), de 17 metros de altura e dúas torres-campanario. Nun comezo, a igrexa só tiña unha torre. A torre do reloxo foi construída anos máis tarde e atopábase encalada nos seus muros de cachotaría, para evitar que a humidade pasase ao interior.

O conxunto monumental compoñíase da igrexa, xunto coa praza do adro, que cando foi proxectada, tiña unha escalinata na fronte para entrada ao templo, cunha fonte central e arboredo. Logo o aspecto mudou coa eliminación das árbores e a modificación da escalinata frontal. Tamén foi eliminado o encalado que cubría a igrexa, obviándose así a funcionalidade deste tipo de tratamento da pedra.

  • INFORMACIÓN
  • Código: PO-AR002
  • Outras denominacións:
  • Tipoloxía: Arquitectura relixiosa
  • Cronoloxía: 1893
  • Concello: Pontecesures
  • Parroquia: San Xulián de Requeixo
  • Lugar: Pontecesures
  • Acceso a pé: Bo
  • Galería de imaxes: Acceder
  • Conservación:

    Na fachada principal mantense unha inscrición honrando a fascistas, incumprindo a lexislación vixente.

  • Protección:

    Plan Xeral de Ordenación Municipal do Concello de Pontecesures (PO G)

    Inventario Xeral do Patrimonio Cultural de Galicia

  • Referencias:

    Plan Xeral de Ordenación Municipal do Concello de Pontecesures, aprobado o 27 de xuño de 2003

    O Pontecesures Antigo

  • COLABORA

  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo

Capela de San Xulián de Requeixo

Igrexa Parroquial de Pontecesures

Capela da Virxe do Carme