Xacemento romano de Iria Flavia
O xacemento romano de Iria Flavia foi arrasado en 1994 coa construción dun paso soterrado no lugar de Hortas, obviando a importancia da necrópole romana. Todo isto a pesar de que os primeiros informes arqueolóxicos (1993) consideraban este xacemento de “vital importancia para coñecer o proceso de romanización do Noroeste e a vinculación destas novas poboacións romanas cos pobos indíxenas”.
Segundo o informe da empresa arqueolóxica Terra Arqueos, as estruturas achadas en 1993 mostraban unha cidade cun alto grao de urbanismo, copia do modelo romano, e de tendencia doméstica. Databan o campamento entre a metade do século I até finais do século II, correspondéndose cos períodos dos emperadores Flavio e Antonino.
Os arqueólogos apuntaban a necesidade de preservar os restos e buscar outra solución para o paso soterrado. As declaracións da Dirección Xeral de Patrimonio da Xunta de Galicia recollidas na prensa en 1994, contradicían este informe e cualificaban o campamento de “baixo valor arqueolóxico”. Para moitos expertos, o xacemento romano de Iria debería estar nos primeiros postos da investigación por ser “clave para entender a historia de Galicia”. Sorprendentemente, e a pesar da súa importancia, foi sepultado en 1994, sen posibilidade de recuperación, baixo cemento e asfalto.
Os restos arqueolóxicos esténdense na contorna da Igrexa de Santa María a Maior de Iria Flavia, que en época sueva e alto-medieval tiña o rango de sé episcopal. Constitúe un núcleo urbano de grande importancia, sendo tamén lugar de culto desde época paleo-cristián. A necrópole romana perdura en época sueva e medieval, até a actualidade.
No Museo de Pontevedra atópase a Estela de Cornelius Creius e no Museo da Catedral de Santiago hai cerámica sigilata procedente de Iria Flavia.
- INFORMACIÓN
- Código: PA-AQ023
- Outras denominacións:
- Tipoloxía: Arqueoloxía
- Cronoloxía: Séculos I-II
- Concello: Padrón
- Parroquia: Santa María de Iria Flavia
- Lugar: Iria Flavia
- Acceso a pé: Bo
- Galería de imaxes: Acceder
- Conservación:
No ano 1994, coa construción do paso subterráneo do lugar de Horta, o xacemento foi arrasado.
- Protección:
Plan Xeral de Ordenación Municipal do Concello de Padrón (GA15065001)
Inventario Xeral do Patrimonio Cultural de Galicia
- Referencias:
Plan Xeral de Ordenación Municipal do Concello de Padrón, aprobado o 27 de xullo de 1994
- XEOLOCALIZACIÓN
- Coordenadas: 42.745636077475 , -8.6543889696701
-
Como chegar desde ...
- ...a Casa do Concello de A Estrada
- ...a Casa do Concello de Catoira
- ...a Casa do Concello de Dodro
- ...a Casa do Concello de Padrón
- ...a Casa do Concello de Pontecesures
- ...a Casa do Concello de Rianxo
- ...a Casa do Concello de Teo
- ...a Casa do Concello de Valga
- ...a Casa do Concello de Vilagarcía de Arousa
-
- COLABORA
-
Queres colaborar no proxecto? Tes algunha imaxe, comentario ou texto que aportar?
ATOPACHES ALGÚN ERRO?
Se atopaches algún na ficha do elemento ou en calquera funcionalidade do sitio non dubides en notificar a incidencia empregando o formulario de contacto do sitio.