Hórreo de Vigo

Hórreo de Vigo - Dodro - Santa María de Dodro

Imaxe: Beatriz Pereiras

Nunha finca privada no núcleo correspondente ao solar nº 31, no muro de peche da finca, ao pé dunha pista asfaltada.

Fermoso exemplar restaurado de hórreo mixto, característico desta zona. A cimentación é unha repisa de cachotaría de granito encintado con cemento, duns 1,45 metros de altura, servindo de peche da finca. Os soportes son tres cepas de pedra, cos gabinetes pechados con balaústres de madeira e unha cinta. O tornarratos é unha peza corrida ao longo de todo o corpo do hórreo. Ten dous claros, con balaústres de madeira e dúas cintas. Non ten linteis. Columnas e cornixa de pedra, esta última moldurada, separando o penal traseiro do seu pinche. Penal dianteiro de pedra con porta de madeira e penal traseiro tamén de pedra con oito fendas de ventilación horizontais. Ten sobrepenas nos dous pinches, ambos de pedra, sendo visible no pinche da fronte a data de construción do hórreo: 1874. Cubrición de tella do país. Remates: cruz latina alta florenzada e en chafrán, con botón central, sobre pedestal discoide e esta sobre base cuadrangular; e pináculo piramidal con gran bóla no remate. Orientado ao NE.

No frontispicio pon a data de construción: 1874.

  • INFORMACIÓN
  • Código: DO-HO163
  • Outras denominacións:
  • Tipoloxía: Hórreos
  • Cronoloxía: 1874
  • Concello: Dodro
  • Parroquia: Santa María de Dodro
  • Lugar: Vigo
  • Acceso a pé: Bo
  • Galería de imaxes: Acceder
  • Conservación:

    Moi boa, foi restaurado nos anos oitenta polos anteriores propietarios.

  • Protección:

    Plan Xeral de Ordenación Municipal do Concello de Dodro

    Inventario Xeral do Patrimonio Cultural de Galicia

    Rexistro de Bens de Interese Cultural (BIC)

    Decreto 449/1973, de 22 de febrero, por el que se colocan bajo la protección del Estado los «hórreos» o «cabazos» antiguos existentes en Asturias y Galicia

  • Referencias:

    Traballo de inventariado feito por Beatriz Pereiras en 2010 (Nº 65)

  • COLABORA

  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo

Hórreo de Traxeito

Hórreo de Bustelo

Hórreo de Vigo

Hórreo de Castro