Hórreo de Dodriño

Hórreo de Dodriño - Dodro - Santa María de Dodro

Imaxe: Beatriz Pereiras

Nunha eira aberta.

Hórreo en estado de ruínas, carecendo de cubrición e de balaústres, cuberto de vexetación. Sería un bonito exemplo de hórreo mixto de tres claros que, segundo unha veciña, era o mellor do lugar. Cimentado sobre unha repisa de cachotaría de granito duns 2,50 metros de altura máxima (está nun pequeno desnivel). Non ten soportes, tornarratos corrido ao longo de todo o corpo do hórreo, asentando directamente sobre a repisa. Ten tres claros, non conservando actualmente a madeira de peche dos mesmos. Columnas e cornixa de pedra. O penal dianteiro é de pedra con porta de madeira. O penal traseiro é de pedra con fendas de ventilación horizontais (apenas visible, está cuberto de vexetación). O pinche do penal traseiro, de pedra, está caído aos pés do hórreo, sendo visible nel un semicírculo escavado na pedra cun pequeno orificio de ventilación no medio. Apenas conserva algunha tella do país da cubrición. Orientado ao NE.

No 2010, os veciños aseguran que é moi antigo, sendo o mellor ou dos mellores exemplares existentes na aldea. Tería máis de cen anos.

  • INFORMACIÓN
  • Código: DO-HO262
  • Outras denominacións:
  • Tipoloxía: Hórreos
  • Cronoloxía: -
  • Concello: Dodro
  • Parroquia: Santa María de Dodro
  • Lugar: Dodriño
  • Acceso a pé: Bo
  • Galería de imaxes: Acceder
  • Conservación:

    Moi mala, en estado ruinoso e de absoluto abandono.

  • Protección:

    Plan Xeral de Ordenación Municipal do Concello de Dodro

    Inventario Xeral do Patrimonio Cultural de Galicia

    Rexistro de Bens de Interese Cultural (BIC)

    Decreto 449/1973, de 22 de febrero, por el que se colocan bajo la protección del Estado los «hórreos» o «cabazos» antiguos existentes en Asturias y Galicia

  • Referencias:

    Traballo de inventariado feito por Beatriz Pereiras en 2010 (Nº 5)

  • COLABORA

  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo

Hórreo de Bexo

Hórreo de Tarrío

Hórreo de Eiró

Hórreo de Vigo