Cruceiro do Cemiterio de San Miguel de Catoira

Cruceiro do Cemiterio de San Miguel de Catoira - Catoira - San Miguel de Catoira

Imaxe: Cruceiros de Galica

Cruceiro do tipo de crucifixo, con pousadoiro que presenta tres chanzos que serven de sustentación á obra. Base cúbica con torta circular por riba. Varal, primeiramente, cuadrangular e, despois octogonal descendente pois perde grosor a medida que se afasta do chan. Cóbrese por un capitel de catro lados curvos con cabeciñas nas partes centrais afastadas por espirais nas esquinas. Nel apóiase unha cruz cuadrangular con vultos, que presenta polo anverso un Cristo baixo INRI, cos brazos en ángulo, as mans abertas, o nó do pano a súa banda esquerda e o pé dereito por riba do esquerdo. San Francisco de Asís achégase a el pola banda da dereita abrazándoo. Por detrás, imaxe da Virxe de pé sobre cabeciña de anxo co meniño Xesús no colo e coroada por dous anxiños espidos que se achan sobre o traveseiro da cruz.

Ten gravada nas caras da base diferentes epígrafes moi gastados. Conséguese ler soamente os das caras esquerda e traseira. Na cara esquerda “CANZELO” e na cara traseira “AÑO 1836".

O cemiterio parroquial posúe un conxunto de panteóns labrados en pedra, nomeadamente os situados no sector sur do recinto, que destacan pola súa coidada factura e deseño, achegando valor patrimonial á necrópole.

  • INFORMACIÓN
  • Código: CA-ER008
  • Outras denominacións:
  • Tipoloxía: Elementos relixiosos
  • Cronoloxía: 1836
  • Concello: Catoira
  • Parroquia: San Miguel de Catoira
  • Lugar: Catoira
  • Acceso a pé: Bo
  • Galería de imaxes: Acceder
  • Conservación:

    -

  • Protección:

    Plan Xeral de Ordenación Municipal do Concello de Catoira (E_015) - Aprobación inicial de 2012

    Rexistro de Bens de Interese Cultural (BIC)

    Inventario Xeral do Patrimonio Cultural de Galicia

    Decreto 571/1963, de 14 de marzo, sobre protección de los escudos, emblemas, piedras heráldicas, rollos de justicia, cruces de término y piezas similares de interés histórico-artístico

  • Referencias:

    Plan Xeral de Ordenación Municipal do Concello de Catoira - Aprobación inicial de 2012

    Fernández de la Cigoña, E. Cruces, cruceiros e petos do concello de Catoira, (Historia dun concello). Asociación galega para a cultura e a ecoloxía-Editorial AGCE, 2008

    Cruceiros de Galicia

  • COLABORA
  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo


Cruceiro da Illa do Rato

Cruceiro da Estación

Cruceiro do Outeriño

Cruceiro da Galega