Petróglifo Nº 3 de Isorna

Conxunto de dúas laxes que presentan a súa superficie cuberta de coviñas. A primeira delas, dunhas dimensións de 1,10x1,40 metros nos eixos N-S e L-O, respectivamente, posúe un total aproximado de 96 coviñas de entre 3-2 centímetros de diámetro. A segunda rocha, situada 2 metros ao leste da anterior e de 1x0,85 metros nos eixos N-S e L-O respectivamente, presenta grande número de coviñas moi erosionadas, o que dificulta a súa identificación.