Mámoa Nº 6 da Vacariza

Conxunto de seis túmulos que se atopan nun rechán de paso entre o Monte Ceán e o Monte do Couto. Este grupo de mámoas sitúase preto da saída cara a Catoira desde a Autovía do Barbanza, á man dereita.

Este túmulo está situado nun rechán, no comezo da subida ao Monte do Couto. Mide 21,30 metros no eixo N-S e 18 no L-O. Conserva unha altura de 0,50 metros. Presenta un burato de violación central que mide 3,70 metros (N-S) e 2,10 metros (L-O), así como unha profundidade de 0,30 metros. No seu interior atópanse tres laxes, unha das cales está caída, que posiblemente formasen parte da cámara.