Mámoa Nº 5 dos Campiños

Mámoa Nº 5 dos Campiños - Rianxo - Santa María de Isorna

Imaxe: Centro Arqueolóxico do Barbanza

Conxunto de seis túmulos megalíticos que forman a Necrópole dos Campiños, sita nunha chaira disposta lonxitudinalmente sobre a dorsal que cae desde o extremo sur do Monte Lioira. Os túmulos distribúense a ambos lados do camiño a escasos 50 metros do inicio da pista. Hai varias escavadas, mais a máis visible é a última a man dereita, que constitúe o túmulo máis grande.

Mide 12,50 metros no eixo L-O e 13 no N-S. O diámetro do pozo de saqueo é 3,50 metros (cadrado), a altura máxima do túmulo é 0,64 metros e a profundidade máxima do pozo de saqueo é 0,86 metros.

O límite do túmulo localízase xusto no borde do camiño que discorre en dirección N-S. Trátase dun túmulo escasamente prominente en altura, o que fai certamente difícil a súa identificación con vexetación.

Presenta na súa parte central un pozo de saqueo de forma cadrada, que aínda conserva os perfís verticais que puideran ser evidencias das escavacións levadas a cabo na década de 1970 pola zona. No fondo do pozo localízanse catro bloques de granito que puideran corresponderse cos restos da estrutura megalítica. Puntualmente, sobre a masa tumular, localízanse cachotes de granito que se poderían corresponder cunha coiraza de recubrimento.

Cara ao extremo leste do túmulo, atópase a liña de ruptura da pendente, e cara ao sur ábrese unha chaira coñecida como Campo Grande ou Campiños, onde se localiza o resto da necrópole (5 túmulos máis)

  • INFORMACIÓN
  • Código: RI-AQ071
  • Outras denominacións:
  • Tipoloxía: Arqueoloxía
  • Cronoloxía: Neolítico
  • Concello: Rianxo
  • Parroquia: Santa María de Isorna
  • Lugar: Campo Grande
  • Acceso a pé: Bo
  • Galería de imaxes: Acceder
  • Conservación:

    -

  • Protección:

    Plan Xeral de Ordenación Municipal do Concello de Rianxo (GA15072077)

    Inventario Xeral do Patrimonio Cultural de Galicia

  • Referencias:

    Plan Xeral de Ordenación Municipal do Concello de Rianxo - Aprobación inicial de maio 2014

    Centro Arqueolóxico do Barbanza

    Megaliticia

  • COLABORA

  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo

Mámoa Nº 3 da Vacariza

Casco de Ouro de Leiro

Petróglifo Nº 1 de Brión

Castro de Foxacos