Mámoa Nº 3 dos Campiños
Imaxe: Centro Arqueolóxico do Barbanza
Conxunto de seis túmulos megalíticos que forman a Necrópole dos Campiños, sita nunha chaira disposta lonxitudinalmente sobre a dorsal que cae desde o extremo sur do Monte Lioira. Os túmulos distribúense a ambos lados do camiño a escasos 50 metros do inicio da pista. Hai varias escavadas, mais a máis visible é a última a man dereita, que constitúe o túmulo máis grande.
Mide 18 metros no eixo L-O e 18,50 no N-S. O diámetro do pozo de saqueo é 3 metros de lado (forma cadrada), a altura máxima do túmulo é 1,40 metros e a profundidade máxima do pozo de saqueo é 1,03 metros.
No pozo de saque localízanse o que puideran ser cinco lousas ou fragmentos das mesmas (no estado actual é imposible de precisar) de natureza granítica. No sector norte da masa tumular, parcialmente colmatada, que en orixe debeu medir 4 metros de longo por 1 de ancho, conservando unha fondura de aproximadamente 40 centímetros. Esta gabia lembra á localizada nas escavacións da Mámoa Nº 6 dos Campiños feita por Fábregas e De la Fuente, que en sentido radial arranca desde o exterior do túmulo e atravésao até chegar á cámara, que consideran que se realizou para a extracción das lousas de anta, dada a ausencia das mesmas no sector afectado.
A masa tumular chega ao borde oeste do camiño que percorre a chaira do Campo Grande de norte a sur. Volteada sobre a masa tumular, no sector leste, localízase unha lousa de granito fragmentada en dous (longo total dos dous fragmento 1,25 metros e 65 centímetros de ancho máximo).
A 3 metros do borde oeste do túmulo localízanse dúas posibles lousas, a simple vista bastante irregulares (eixos máximos de 1,30 metros x 1,40 metros) que non se pode descartar que orixinalmente formasen parte da estrutura megalítica.
Cara ao norte localízase un antigo camiño en sentido L-O, hoxe en desuso, que serve de separador coa Mámoa Nº 2 dos Campiños, que se atopa a 9 metros en dirección norte.
- INFORMACIÓN
- Código: RI-AQ069
- Outras denominacións:
- Tipoloxía: Arqueoloxía
- Cronoloxía: Neolítico
- Concello: Rianxo
- Parroquia: Santa María de Isorna
- Lugar: Campo Grande
- Acceso a pé: Bo
- Galería de imaxes: Acceder
- Conservación:
-
- Protección:
Plan Xeral de Ordenación Municipal do Concello de Rianxo (GA15072075)
Inventario Xeral do Patrimonio Cultural de Galicia
- Referencias:
Plan Xeral de Ordenación Municipal do Concello de Rianxo - Aprobación inicial de maio 2014
- XEOLOCALIZACIÓN
- Coordenadas: 42.674519739053 , -8.7662529284938
-
Como chegar desde ...
- ...a Casa do Concello de A Estrada
- ...a Casa do Concello de Catoira
- ...a Casa do Concello de Dodro
- ...a Casa do Concello de Padrón
- ...a Casa do Concello de Pontecesures
- ...a Casa do Concello de Rianxo
- ...a Casa do Concello de Teo
- ...a Casa do Concello de Valga
- ...a Casa do Concello de Vilagarcía de Arousa
-
- COLABORA
-
Queres colaborar no proxecto? Tes algunha imaxe, comentario ou texto que aportar?
ATOPACHES ALGÚN ERRO?
Se atopaches algún na ficha do elemento ou en calquera funcionalidade do sitio non dubides en notificar a incidencia empregando o formulario de contacto do sitio.