Mámoa Nº 1 dos Campiños

Mámoa Nº 1 dos Campiños - Rianxo - Santa María de Isorna

Imaxe: Centro Arqueolóxico do Barbanza

Conxunto de seis túmulos megalíticos que forman a Necrópole dos Campiños, sita nunha chaira disposta lonxitudinalmente sobre a dorsal que cae desde o extremo sur do Monte Lioira. Os túmulos distribúense a ambos lados do camiño a escasos 50 metros do inicio da pista. Hai varias escavadas, mais a máis visible é a última a man dereita, que constitúe o túmulo máis grande.

Mide 22,50 metros no eixo L-O e 23 no N-S. O diámetro do pozo de saqueo é 9 metros, a altura máxima do túmulo é 1,39 metros e a profundidade máxima do pozo de saqueo é 1,75 metros. Atópase na marxe esquerda do camiño que vertebra a zona do Campo Grande que discorre en sentido N-S, practicamente ao carón deste.

Ao túmulo fáltanlle dúas quintas partes no sector sur; no interior do pozo de saqueo é moi probable que se atope recheo por varias bolsadas de sedimento e bloques de pedra. O túmulo foi gravemente alterado pola apertura dunha pista forestal a finais da década de 1970.

En planta presenta forma de C. Cara ao norte evidéncianse restos de dúas fochancas que teñen alterado a masa tumular, e por extensión a propia configuración do túmulo. A de maiores dimensións mide 4 metros de ancho por 7,50 de longo. Ambas as dúas presenta unha fondura que semella ser maior que a propia base do túmulo.

Ademais, preto da coroación do túmulo, localízanse varias fochancas de aproximadamente 1 metro de diámetro que puideran ser o resultado de antigas plantacións forestais. Nesta zona afloran gran cantidade de cachotes de granito que manifestan a existencia dunha estrutura de recubrimento prístina (coiraza).

  • INFORMACIÓN
  • Código: RI-AQ003
  • Outras denominacións:
  • Tipoloxía: Arqueoloxía
  • Cronoloxía: Neolítico
  • Concello: Rianxo
  • Parroquia: Santa María de Isorna
  • Lugar: Campo Grande
  • Acceso a pé: Bo
  • Galería de imaxes: Acceder
  • Conservación:

    -

  • Protección:

    Plan Xeral de Ordenación Municipal do Concello de Rianxo (GA15072005)

    Inventario Xeral do Patrimonio Cultural de Galicia

  • Referencias:

    Plan Xeral de Ordenación Municipal do Concello de Rianxo - Aprobación inicial de maio 2014

    Centro Arqueolóxico do Barbanza

    Megaliticia

  • COLABORA

  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo

Petróglifo Nº 2 de Isorna

Petróglifo Nº 10 do Monte Pelotiña

Mámoa Nº 6 da Vacariza

Petróglifo Nº 1 de Isorna