Peto de ánimas de Queiruga

Peto de ánimas de Queiruga - Padrón - Santa María de Cruces

Imaxe: Xoán Arco da Vella

Está formado por un edículo construído a base de grandes perpiaños de granito e rematado en cumio a dúas augas con cornixa. Ten dúas fornelas separadas por unha columna central e que van despois dun pequeno saínte do paramento do muro, onde están dúas imaxes: a de San Francisco e a Virxe María. Están protexidas por barras de ferro que compoñen o deseño dunha cuncha de vieira. Os extremos do cumio remátase con pináculos de pedra realizados de maneira basta.

O seu significado vén da crenza na continuidade da alma despois da morte e da existencia dun paso intermedio para chegar ao ceo, onde se redimen os pecados e faltas cometidas en vida (o purgatorio), moi arraigada na mentalidade popular galega.

O peto atópase neste lugar desde os anos 80 do século pasado. Antes estaba no lugar de San Pedro, a uns 150 metros de distancia, mais o camiño quedou abandonado ao facerse a nova estrada, polo que os veciños pediron o cambio de emprazamento.

Segundo contan veciños do lugar, as dúas figuras foron atopados no monte, o que motivou a construción do peto de ánimas.

  • INFORMACIÓN
  • Código: PA-ER006
  • Outras denominacións:
  • Tipoloxía: Elementos relixiosos
  • Cronoloxía: -
  • Concello: Padrón
  • Parroquia: Santa María de Cruces
  • Lugar: Queiruga
  • Acceso a pé: Bo
  • Galería de imaxes: Acceder
  • Conservación:

    -

  • Protección:

    Plan Xeral de Ordenación Municipal do Concello de Padrón

    Rexistro de Bens de Interese Cultural (BIC)

    Inventario Xeral do Patrimonio Cultural de Galicia

    Decreto 571/1963, de 14 de marzo, sobre protección de los escudos, emblemas, piedras heráldicas, rollos de justicia, cruces de término y piezas similares de interés histórico-artístico

  • Referencias:

    Patrimonio Galego

    Cristóbal Ramírez | La Voz de Galicia

  • COLABORA

  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo

Calvario de Herbón

Cruceiro do Souto

Cruceiro de Vilar

Cruceiro da Capela de Santa Cruz