Cruceiro da Praza Ramón Tojo
Imaxe: Xosé Troiano
Cruceiro de tipo de crucifixo cunha plataforma de pedra sen labrar e cun pedestal de outra pedra tamén sen labrar, na que ten insculpidas varias figuras como unha cruz ou a Santiago Peregrino xunto con outros personaxes. O varal comeza cadrado e listado, que máis ben semella ao tronco dunha árbore, logo dese listado colle unha forma amorfa até chegar á base do capitel na que aparecen cabezas de anxos con ás, formando o mesmo capitel e varal, todo un. A súa cruz é rectangular e recadrada. No anverso da cruz presenta a Cristo crucificado con tres cravos, coa man esquerda pechada e bendicindo coa dereita. Inclina a cabeza cara adiante cunha coroa de espiñas e unha cartela coas siglas INRI. O seu pano de pureza vai anoado cunha corda co nó á esquerda. Polo reverso da cruz está a Virxe co Neno no colo sobre unha peaña.
É unha obra orixinal do Obradoiro de Pedra Castelo, no lugar da Picaraña. Foi instalado no 2010 en tan só 8 días, con motivo das exposicións “Arte-Mostra Santiaguiño do Monte”. Varios veciños de Padrón pregaron para que este cruceiro permanecese alí para sempre, obxectivo este que se logrou.
- INFORMACIÓN
- Código: PA-ER012
- Outras denominacións:
- Tipoloxía: Elementos relixiosos
- Cronoloxía: 2010
- Concello: Padrón
- Parroquia: Santiago de Padrón
- Lugar: Praza Ramón Tojo
- Acceso a pé: Bo
- Galería de imaxes: Acceder
- Conservación:
-
- Protección:
Plan Xeral de Ordenación Municipal do Concello de Padrón
Rexistro de Bens de Interese Cultural (BIC)
Inventario Xeral do Patrimonio Cultural de Galicia
Decreto 571/1963, de 14 de marzo, sobre protección de los escudos, emblemas, piedras heráldicas, rollos de justicia, cruces de término y piezas similares de interés histórico-artístico
- Referencias:
- XEOLOCALIZACIÓN
- Coordenadas: 42.7388716431 , -8.65986508479
-
Como chegar desde ...
- ...a Casa do Concello de A Estrada
- ...a Casa do Concello de Catoira
- ...a Casa do Concello de Dodro
- ...a Casa do Concello de Padrón
- ...a Casa do Concello de Pontecesures
- ...a Casa do Concello de Rianxo
- ...a Casa do Concello de Teo
- ...a Casa do Concello de Valga
- ...a Casa do Concello de Vilagarcía de Arousa
-
- COLABORA
-
Queres colaborar no proxecto? Tes algunha imaxe, comentario ou texto que aportar?
ATOPACHES ALGÚN ERRO?
Se atopaches algún na ficha do elemento ou en calquera funcionalidade do sitio non dubides en notificar a incidencia empregando o formulario de contacto do sitio.