Sartegos de Iria Flavia
Imaxe: Antonio Parada Mariño
No adro da Igrexa de Santa María a Maior de Iria Flavia localízanse unha serie de sartegos medievais da época sueva, monolíticos e escavados con forma antropomorfa. Tamén hai tampas monolíticas de forma lisa ou en dobre estola, e outros construídos con laxes e perpiaños. Foron achados nas escavacións arqueolóxicas realizadas na contorna da igrexa, durante os anos 70 por Manuel Chamoso Lamas, e sobre todo na campaña de 1992, dirixida polo profesor José Suárez Otero.
Trátanse de tombas altomedievais, prerrománicas, cunhas características moi marcadas que aparecen só na antiga Gallaecia. Parece que están asociadas a importantes sedes episcopais, como Braga, Ourense e Iria. Durante a época sueva, Iria foi capital das grandes divisións administrativas na que o Parroquial Suevo reparte o territorio galego. As chamadas laudas de dobre estola son cubertas de sepulcros que normalmente se atribúen a esa época.
No antigo territorio de Gallaecia houbo unha herexía chamada piscilianista. O seu fundador, Prisciliano, foi exectuado no ano 385 na cidade de Tréveris (Alemaña) acusado de bruxería. Estes sartegos son da tipoloxía que a igrexa adoptou para reforzar o seu poder, en contra de tal herexía.
- INFORMACIÓN
- Código: PA-AQ001
- Outras denominacións:
- Tipoloxía: Arqueoloxía
- Cronoloxía: Séculos VI-VII
- Concello: Padrón
- Parroquia: Santa María de Iria Flavia
- Lugar: Iria Flavia
- Acceso a pé: Bo
- Galería de imaxes: Acceder
- Conservación:
Total abandono.
- Protección:
Plan Xeral de Ordenación Municipal do Concello de Padrón (GA15065001)
Rexistro de Bens de Interese Cultural (BIC)
Inventario Xeral do Patrimonio Cultural de Galicia
- Referencias:
Plan Xeral de Ordenación Municipal do Concello de Padrón, aprobado o 27 de xullo de 1994
- XEOLOCALIZACIÓN
- Coordenadas: 42.745727063239 , -8.6552973911618
-
Como chegar desde ...
- ...a Casa do Concello de A Estrada
- ...a Casa do Concello de Catoira
- ...a Casa do Concello de Dodro
- ...a Casa do Concello de Padrón
- ...a Casa do Concello de Pontecesures
- ...a Casa do Concello de Rianxo
- ...a Casa do Concello de Teo
- ...a Casa do Concello de Valga
- ...a Casa do Concello de Vilagarcía de Arousa
-
- COLABORA
-
Queres colaborar no proxecto? Tes algunha imaxe, comentario ou texto que aportar?
ATOPACHES ALGÚN ERRO?
Se atopaches algún na ficha do elemento ou en calquera funcionalidade do sitio non dubides en notificar a incidencia empregando o formulario de contacto do sitio.
