Reloxo de sol de Tallós

Reloxo de sol de Tallós - Dodro - San Xián de Laíño

Imaxe: Beatriz Pereiras

Situado na parte superior dun portalón que da acceso ás vivendas número 16 e 26 do lugar Tallós, ao pé da estrada AC-305.

Exemplar de reloxo de sol construído na cima dun portalón alintelado de pedra, xunto con unha cruz latina florenzada con botón central e con ángulos en chafrán, apoiándose na súa base cuadrangular o reloxo. O reloxo é unha placa de granito de forma cuadrangular cun remate superior rectangular enmarcado con dúas volutas. Conserva completo o gnomon, sendo este unha placa triangular, e as liñas horarias son perfectamente visibles. Cuadrante vertical ortomeridiano (orientado ao sur).

Trátase do único exemplar de reloxo de sol sobre a portada dunha vivenda da provincia da Coruña que ven referido e da como coñecido J.L. Basanta no seu estudio dos reloxos de sol (2003: 88): “A Coruña está representada por un reloj sobre portada, apoyado en la base de una pequeña cruz y que se encuentra en Dodro (carretera general Padrón-Ribeira); (....)”. En total, refire para toda Galicia cinco exemplos coñecidos (por el) de reloxos solares situados sobre portadas de accesos a fincas con vivendas (p. 87).

Conta o propietario que esta entrada, e o reloxo en concreto, son moi antigos, que debía tratarse, orixinariamente, dunha casa de xente adiñeirada ou ben de propiedade eclesiástica. Este é o segundo exemplo de reloxo de sol nunha portada de entrada a unha propiedade atopado no concello, o outro exemplo é o de Teaio.

  • INFORMACIÓN
  • Código: DO-OC020
  • Outras denominacións:
  • Tipoloxía: Obra civil
  • Cronoloxía: -
  • Concello: Dodro
  • Parroquia: San Xián de Laíño
  • Lugar: Tallós
  • Acceso a pé: Bo
  • Galería de imaxes: Acceder
  • Conservación:

    Moi bo, conservando perfectamente o gnomon e as liñas horarias.

  • Protección:

    Non

  • Referencias:

    Traballo de inventariado feito por Beatríz Pereiras en 2010

    Reloxos de sol de Galicia

  • COLABORA

  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo

Pombal do Outeiriño

Pombal Nº 2 de Teaio

Pombal da Xaniña

Reloxo de sol de Manselle