Hórreo de Vigo

Hórreo de Vigo - Dodro - Santa María de Dodro

Imaxe: Beatriz Pereiras

Localizado no centro do núcleo, ao pé dunha pista asfaltada, sobre o muro de peche dunha propiedade.

A cimentación é unha repisa de cachotaría de granito que serve de peche da propiedade, ao pé dunha pista asfaltada, de máis de 2 metros de altura. Os soportes son catro cepas de pedra molduradas na parte superior e inferior. Acaroada á terceira cepa cara ao oeste ten un muriño de ladrillo, para dividir a parte de cada propietario. Esta división de propiedades en ladrillo tamén é visible no interior dos claros, entre o terceiro e o cuarto. Os tres primeiros gabinetes están pechados con ladrillo, cemento e madeira. O tornarratos é unha peza corrida ao longo de todo o corpo do hórreo. Ten catro claros, dos cales o máis austral non conserva a madeira de peche. O resto presenta balaústres de madeira e dúas cintas, cunha porta de madeira no lateral oeste. Non ten linteis. Columnas e cornixa de pedra. A cornixa divide o penal traseiro do seu pinche, sendo todo de pedra, con oito fendas de ventilación horizontais. O penal dianteiro tamén é de pedra, con porta de madeira. Ten sobrepenas nos dous pinches, ambos de pedra. Cubrición de tella do país. Remates: no penal frontal, cruz latina alta cos extremos engrosados e de sección cuadrangular sobre escocia e esta sobre pedestal cuadrangular; e, no penal traseiro, pináculo piramidal rematado nunha gran bóla. Orientado ao NE.

No 2010, o propietario di que é moi antigo, máis de cen anos.

  • INFORMACIÓN
  • Código: DO-HO053
  • Outras denominacións:
  • Tipoloxía: Hórreos
  • Cronoloxía: -
  • Concello: Dodro
  • Parroquia: Santa María de Dodro
  • Lugar: Vigo
  • Acceso a pé: Bo
  • Galería de imaxes: Acceder
  • Conservación:

    Regular, fáltalle a madeira dun claro e os gabinetes están pechados con ladrillo. Precisaríase cambiar a madeira e a cubrición.

  • Protección:

    Plan Xeral de Ordenación Municipal do Concello de Dodro

    Inventario Xeral do Patrimonio Cultural de Galicia

    Rexistro de Bens de Interese Cultural (BIC)

    Decreto 449/1973, de 22 de febrero, por el que se colocan bajo la protección del Estado los «hórreos» o «cabazos» antiguos existentes en Asturias y Galicia

  • Referencias:

    Traballo de inventariado feito por Beatriz Pereiras en 2010 (Nº 57)

  • COLABORA

  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo

Hórreo de Vigo

Hórreo de Dodriño

Hórreo de Rialiño

Hórreo de Lestrobe