Hórreo de Rialiño

Hórreo de Rialiño - Dodro - San Xián de Laíño

Imaxe: Concello de Dodro

Nunha finca privada pechada, correspondente ao xardín traseiro da vivenda á que pertence.

Cimentado sobre unha repisa baixa de lousas de granito encintadas con cemento. Os soportes son catro cepas de pedra, cos gabinetes dos extremos pechados con ladrillo e portas de madeira. Tornarratos corrido ao longo de todo o corpo do hórreo. Ten tres claros, con balaústres de madeira e dúas cintas, cunha porta de madeira no lateral sur, enmarcada con columnas de pedra. Columnas e cornixa de pedra. Penal da fronte de pedra, con porta de madeira e penal traseiro de pedra e madeira, con dúas cintas. Sobrepenas nos dous pinches, ambos de pedra. Cubrición restaurada, de tella plana (antes era de tella do país). Remates: cruz latina alta florenzada con botón central, de sección cilíndrica, sobre escocia e esta sobre base cuadrangular; e pináculo piramidal moi estilizado sobre base cuadrangular. Orientado ao SE.

No 2010, a propietaria di que tería máis de cen anos, aínda que foi desprazado uns metros do seu emprazamento orixinario (na mesma parcela).

  • INFORMACIÓN
  • Código: DO-HO008
  • Outras denominacións:
  • Tipoloxía: Hórreos
  • Cronoloxía: -
  • Concello: Dodro
  • Parroquia: San Xián de Laíño
  • Lugar: Rialiño
  • Acceso a pé: Bo
  • Galería de imaxes: Acceder
  • Conservación:

    Bastante boa, a madeira e a cubrición foron restauradas. Presenta materiais de construción modernos nos gabinetes (ladrillo).

  • Protección:

    Plan Xeral de Ordenación Municipal do Concello de Dodro (CP-01C)

    Inventario Xeral do Patrimonio Cultural de Galicia

    Rexistro de Bens de Interese Cultural (BIC)

    Decreto 449/1973, de 22 de febrero, por el que se colocan bajo la protección del Estado los «hórreos» o «cabazos» antiguos existentes en Asturias y Galicia

  • Referencias:

    Traballo de inventariado feito por Beatriz Pereiras en 2010 (Nº 142)

  • COLABORA

  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo

Hórreo de Dodriño

Hórreo de Manselle

Hórreo Nº 1 da Casa Aguirre

Hórreo de Imo