Hórreo de Pexegueiro

Hórreo de Pexegueiro - Dodro - San Xián de Laíño

Imaxe: Beatriz Pereiras

Ao pé dunha pista asfaltada, pista que leva á Eiriña.

A cimentación é unha repisa de cachotaría de granito, alta, duns 2,50 metros de altura. Aínda sobre esta repisa as cepas asentan sobre unha pedra rectangular cada unha. Os soportes son tres cepas de pedra encintadas con argamasa. Os tornarratos son pedras transversais sobre cada cepa. Ten dous claros, con balaústres de madeira e dúas cintas, con porta de madeira no lateral oeste. Columnas de pedra e cornixa e linteis de madeira. Sobre as columnas e nos remates dos pinches (de madeira) vense molduras de madeira. Penal dianteiro con columnas de pedra e porta de madeira e penal traseiro de pedra e madeira, con dúas cintas. Os dous piches son de madeira. Cubrición de tella do país. Non conserva os remates. Orientado ao NE.

No 2010, o fillo da propietaria di que é moi antigo, que lle acorda toda a vida, e á súa nai tamén. Máis de cen anos.

  • INFORMACIÓN
  • Código: DO-HO076
  • Outras denominacións:
  • Tipoloxía: Hórreos
  • Cronoloxía: -
  • Concello: Dodro
  • Parroquia: San Xián de Laíño
  • Lugar: Pexegueiro
  • Acceso a pé: Bo
  • Galería de imaxes: Acceder
  • Conservación:

    Mala, a madeira está en bastante mal estado, así como a cubrición, mentres que a pedra está cuberta de musgo e liques.

  • Protección:

    Plan Xeral de Ordenación Municipal do Concello de Dodro

    Inventario Xeral do Patrimonio Cultural de Galicia

    Rexistro de Bens de Interese Cultural (BIC)

    Decreto 449/1973, de 22 de febrero, por el que se colocan bajo la protección del Estado los «hórreos» o «cabazos» antiguos existentes en Asturias y Galicia

  • Referencias:

    Traballo de inventariado feito por Beatriz Pereiras en 2010 (Nº 117)

  • COLABORA

  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo

Hórreo de Imo

Hórreo de Vigo

Hórreo de Manselle

Hórreo de Reboiras