Hórreo de Pexegueiro

Hórreo de Pexegueiro - Dodro - San Xián de Laíño

Imaxe: Beatriz Pereiras

Na finca traseira dunha vivenda privada, correspondente ao solar nº 17.

A cimentación é unha repisa de cachotaría de granito, dun 1,40 metros de altura. Os soportes son tres cepas de pedra, cos gabinetes pechados con madeira no lateral oeste e ladrillo no lateral leste. Os tornarratos son pedras transversais sobre cada cepa. Ten dous claros, con balaústres de madeira e dúas cintas, con porta de madeira pintada de verde no lateral oeste. Columnas de pedra e cornixa de madeira. Penal dianteiro de pedra con porta de madeira e pinche de cemento. E penal traseiro tamén de pedra e, orixinariamente, de madeira, estando actualmente a madeira substituída por cemento, co pinche tamén de cemento. Sobrepenas nos dous pinches. Cubrición de tella do país. Remates: cruz latina alta e estreita de sección cuadrangular; e pináculo piramidal moi estilizado. Orientado ao N.

No 2010, a propietaria di que é antigo, máis de cen anos, que sempre lle acorda alí. A factura é algo ruda, pudendo ter, efectivamente, certa antigüidade.

  • INFORMACIÓN
  • Código: DO-HO080
  • Outras denominacións:
  • Tipoloxía: Hórreos
  • Cronoloxía: -
  • Concello: Dodro
  • Parroquia: San Xián de Laíño
  • Lugar: Pexegueiro
  • Acceso a pé: Bo
  • Galería de imaxes: Acceder
  • Conservación:

    Mala, coa madeira en moi malas condicións e introducindo materiais de construción modernos, como o ladrillo nos gabinetes e o cemento nos pinches e no penal traseiro.

  • Protección:

    Plan Xeral de Ordenación Municipal do Concello de Dodro

    Inventario Xeral do Patrimonio Cultural de Galicia

    Rexistro de Bens de Interese Cultural (BIC)

    Decreto 449/1973, de 22 de febrero, por el que se colocan bajo la protección del Estado los «hórreos» o «cabazos» antiguos existentes en Asturias y Galicia

  • Referencias:

    Traballo de inventariado feito por Beatriz Pereiras en 2010 (Nº 115)

  • COLABORA

  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo

Hórreo de Bustelo

Hórreo de Vigo

Hórreo de Traxeito

Hórreo de Traxeito