Hórreo de Lestrobe
Imaxe: Beatriz Pereiras
Hórreo pertencente á Casa Antiga do Monte, actualmente restaurada e habilitada como casa rural, situado na finca traseira da mesma.
Fermoso exemplar de hórreo mixto, moi ben restaurado. A cimentación consiste nunha repisa de cachotaría de granito de 54 centímetros de alto, con dúas grades na fronte. Na parte exterior, que dá a unha pista, a repisa é máis alta debido ao desnivel existente, facendo as veces de muro de peche da finca e medindo uns 2 metros de altura. Os soportes son catro cepas de pedra. O tornarratos é unha única plataforma corrida ao longo do corpo do hórreo. Ten tres claros con balaústres de madeira e dúas cintas. Non ten linteis. Columnas de pedra e cornixa tamén de pedra moldurada. Penais de pedra, cunha porta de madeira na parte frontal e con sete fendas de ventilación no penal traseiro. Ten sobrepenas nos dous pinches, ambos de pedra. Cubrición de tella do país. Rematado nunha cruz alta con extremos de sección cadrada na parte dianteira e pináculo no lado oposto. Orientado ao NE.
No 2010, din os propietarios que é un hórreo antigo, como a casa, que era dos seus bisavós. De máis de cen anos.
- INFORMACIÓN
- Código: DO-HO154
- Outras denominacións: Hórreo da Casa Antiga do Monte
- Tipoloxía: Hórreos
- Cronoloxía: -
- Concello: Dodro
- Parroquia: Santa María de Dodro
- Lugar: Lestrobe
- Acceso a pé: Bo
- Galería de imaxes: Acceder
- Conservación:
Moi boa, recentemente restaurado polos propietarios.
- Protección:
Plan Xeral de Ordenación Municipal do Concello de Dodro
Inventario Xeral do Patrimonio Cultural de Galicia
Rexistro de Bens de Interese Cultural (BIC)
Decreto 449/1973, de 22 de febrero, por el que se colocan bajo la protección del Estado los «hórreos» o «cabazos» antiguos existentes en Asturias y Galicia
- Referencias:
Traballo de inventariado feito por Beatriz Pereiras en 2010 (Nº 35)
- XEOLOCALIZACIÓN
- Coordenadas: 42.730182369223 , -8.6726567888204
-
Como chegar desde ...
- ...a Casa do Concello de A Estrada
- ...a Casa do Concello de Catoira
- ...a Casa do Concello de Dodro
- ...a Casa do Concello de Padrón
- ...a Casa do Concello de Pontecesures
- ...a Casa do Concello de Rianxo
- ...a Casa do Concello de Teo
- ...a Casa do Concello de Valga
- ...a Casa do Concello de Vilagarcía de Arousa
-
- COLABORA
-
Queres colaborar no proxecto? Tes algunha imaxe, comentario ou texto que aportar?
ATOPACHES ALGÚN ERRO?
Se atopaches algún na ficha do elemento ou en calquera funcionalidade do sitio non dubides en notificar a incidencia empregando o formulario de contacto do sitio.