Hórreo de Imo

Hórreo de Imo - Dodro - San Xoán de Laíño

Imaxe: Beatriz Pereiras

No lugar chamado Eira Vella, no centro do núcleo, nun alto.

A cimentación é unha repisa de cachotaría de granito moi alta para salvar o desnivel existente, estando actualmente cuberta na súa maior parte de vexetación. Os soportes son cinco cepas de pedra con moldura semicircular na parte superior. O gabinete do sur está pechado con ladrillo e cemento. O tornarratos é unha peza corrida ao longo de todo o corpo do hórreo. Ten catro claros, con balaústres de madeira e dúas cintas, con tres portas de madeira no lateral oeste, aínda que orixinalmente debeu ter outra no claro do norte, que hoxe non se conserva. A separación entre os claros no interior é de madeira. Os esquinais son de pedra, con 14 fendas de ventilación horizontais dispostas en dúas ringleiras de sete fendas. Non ten linteis. Columnas de pedra e cornixa de madeira. Os dous penais son de pedra, con 16 fendas de ventilación horizontais. Sobrepenas nos dous pinches, ambos de pedra. Armazón de madeira, sendo visible un dos arcos de suxeición da cubrición, que é de tella do país. Remates: non conserva a cruz, tan só a base cuadrangular; no pinche sur ten pináculo piramidal estilizado, rematado en bóla e sobre base cuadrangular. Orientado ao NE-SW.

Segundo a ficha do Inventario de Patrimonio, sería do ano 1856, época do apoxeo do cultivo do millo. Nesta Eira Vella mallábase o liño. Actualmente, o espazo da eira está delimitado por un peche de cemento, obra dun veciño.

  • INFORMACIÓN
  • Código: DO-HO069
  • Outras denominacións: Hórreo da Eira Vella
  • Tipoloxía: Hórreos
  • Cronoloxía: 1856
  • Concello: Dodro
  • Parroquia: San Xoán de Laíño
  • Lugar: Imo
  • Acceso a pé: Bo
  • Galería de imaxes: Acceder
  • Conservación:

    Moi mala, debido ao paso do tempo e ao abandono. Tan só conserva intacta a estrutura de pedra, mentres que a madeira e a cubrición consérvanse en moi mal estado, sobre todo no claro do norte. Sería preciso tamén, ademais de renovar a madeira e a cubrición, limpar a pedra. Recoméndase restauración.

  • Protección:

    Plan Xeral de Ordenación Municipal do Concello de Dodro

    Inventario Xeral do Patrimonio Cultural de Galicia

    Rexistro de Bens de Interese Cultural (BIC)

    Decreto 449/1973, de 22 de febrero, por el que se colocan bajo la protección del Estado los «hórreos» o «cabazos» antiguos existentes en Asturias y Galicia

  • Referencias:

    Traballo de inventariado feito por Beatriz Pereiras en 2010 (Nº 236)

  • COLABORA

  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo

Eira de Lestrobe (5 hórreos)

Hórreo de Dodriño

Eira da Malla de Bexo (2 hórreos)

Hórreo de Eiró