Cruceiro de Viladesuso

Cruceiro de Viladesuso - Catoira - Santa Baia de Oeste

Imaxe: Cruceiros de Galicia

Cruceiro do tipo de crucifixo. Ten catro chanzos, mais o primeiro tan só está visible pola parte dianteira, xa que o resto aparece afundido no alcatrán da estrada. Base paralelepípeda coas arestas superiores rebaixadas. Vara de sección octogonal que amosa na banda dereita a imaxe dun anxo con ás (San Miguel). Capitel de catro lados rectos, sen adobíos, que serve de soporte a unha cruz octogonal cos extremos acabados en cadrados. Amosa por diante un Cristo pegado ao madeiro, baixo INRI, de brazos paralelos, mans pechadas, nó do pano á súa esquerda e pé dereito por riba do esquerdo. Por detrás vese unha imaxe da Virxe das Angustias de dereitas (cabeza do Fillo á dereita do corpo da Nai e pernas á esquerda da mesma).

O único epígrafe aparece na parte dianteira da base onde se le: “AÑO DE 1671”, o que o converte no cruceiro máis antigo de todo o concello de Catoira.

  • INFORMACIÓN
  • Código: CA-ER024
  • Outras denominacións:
  • Tipoloxía: Elementos relixiosos
  • Cronoloxía: 1671
  • Concello: Catoira
  • Parroquia: Santa Baia de Oeste
  • Lugar: Viladesuso
  • Acceso a pé: Bo
  • Galería de imaxes: Acceder
  • Conservación:

    -

  • Protección:

    Plan Xeral de Ordenación Municipal do Concello de Catoira (E_033) - Aprobación inicial de 2012

    Rexistro de Bens de Interese Cultural (BIC)

    Inventario Xeral do Patrimonio Cultural de Galicia

    Decreto 571/1963, de 14 de marzo, sobre protección de los escudos, emblemas, piedras heráldicas, rollos de justicia, cruces de término y piezas similares de interés histórico-artístico

  • Referencias:

    Plan Xeral de Ordenación Municipal do Concello de Catoira - Aprobación inicial de 2012

    Fernández de la Cigoña, E. Cruces, cruceiros e petos do concello de Catoira, (Historia dun concello). Asociación galega para a cultura e a ecoloxía-Editorial AGCE, 2008

    Cruceiros de Galicia

  • COLABORA
  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo


Cruceiro de Viladesuso

Cruceiro de Aragunde

Cruceiro da Estación

Cruz da Igrexa de San Mamede de Abalo