Cruceiro das Rañas

Cruceiro das Rañas - Catoira - Santa Baia de Oeste

Imaxe: Cruceiros de Galicia

Ten por alicerce tres chanzos, o primeiro deles case mergullado no alcatrán da praza. Base cúbica, ben labrada con gorxa fonda. A vara comeza e remata sendo cuadrangular, mais presenta sección octogonal na súa maior parte. Nesta última sección e pola banda da esquerda amosa diversos símbolos da Paixón e morte de Cristo. Así, de arriba abaixo, vemos: tenaces, martelo e escaleira de dez chanzos. Cóbrese por un capitel de catro lados curvos, con cabeciñas nas partes medias, espirais nas esquinas e como cunchas por debaixo das mesmas. Soporta unha cruz cilíndrica con vultos que amosa por diante un Cristo de tres cravos, cos brazos en ángulo, mans semiabertas, nó do pano á súa dereita e pé dereito por riba do esquerdo. Por detrás vese a imaxe da Virxe María de pé sobre pousadoiro de cabeciña de anxo, coas mans cruzadas sobre o peito e cuberta cun mantelo.

Ten epígrafes na base, na súa maior parte ilexibles, no lado esquerdo: “A DEVOCIÓN".

  • INFORMACIÓN
  • Código: CA-ER023
  • Outras denominacións:
  • Tipoloxía: Elementos relixiosos
  • Cronoloxía: -
  • Concello: Catoira
  • Parroquia: Santa Baia de Oeste
  • Lugar: As Rañas
  • Acceso a pé: Bo
  • Galería de imaxes: Acceder
  • Conservación:

    Cruceiro descabezado.

  • Protección:

    Plan Xeral de Ordenación Municipal do Concello de Catoira (E_032) - Aprobación inicial de 2012

    Rexistro de Bens de Interese Cultural (BIC)

    Inventario Xeral do Patrimonio Cultural de Galicia

    Decreto 571/1963, de 14 de marzo, sobre protección de los escudos, emblemas, piedras heráldicas, rollos de justicia, cruces de término y piezas similares de interés histórico-artístico

  • Referencias:

    Plan Xeral de Ordenación Municipal do Concello de Catoira - Aprobación inicial de 2012

    Fernández de la Cigoña, E. Cruces, cruceiros e petos do concello de Catoira, (Historia dun concello). Asociación galega para a cultura e a ecoloxía-Editorial AGCE, 2008

    Cruceiros de Galicia

  • COLABORA
  • Queres colaborar no proxecto? Tes algunha imaxe, comentario ou texto que aportar?

    Quero colaborar!

Máis elementos do catálogo


Cruceiro de Viladesuso

Cruceiro do Campo

Cruceiro de Gondar

Cruceiro de Portocanles