Busca

Cruceiro principal do Vía crucis do Calvario, situado á beira da estrada principal, ao norte do lugar da Igrexa. Está situado a un nivel superior con respecto á rúa, sobre unha plataforma de dous chanzos. Base prismática coas arestas redondeadas sobre a que se ergue un fuste octogonal que remata nun capitel troncopiramidal inverso decorado con volutas e motivos vexetais. Cruz de brazos octogonais con remates cuadrangulares nos vértices e cun Cristo no anverso.

Cruceiro de granito situado no Campo da Veliña no lugar de Rañó. Plataforma de catro chanzos e base prismática sobre a que se ergue un fuste de sección circular. Capitel troncopiramidal inverso con molduras, que sostén unha cruz de sección octogonal con remates nos vértices cun Cristo no anverso e unha Virxe no reverso.

Cruceiro situado á beira da estrada principal que atravesa o lugar de Rial polo leste. Está asentado sobre unha plataforma de granito que compensa o desnivel entre as dúas rúas. Base cadrada con toro e escocias, apoiada sobre catro chanzos e varal octogonal con figuras no extremo inferior, que representan a Adán e a Eva e máis a unha serpe. Capitel decorado con volutas e cunchas, coroado por unha cruz de sección circular e aspecto leñoso cun Cristo no anverso e unha Virxe…

Cruceiro de granito á beira da estrada que comunica os lugares de Meiquiz e a Igrexa de Santa María de Leiro. Plataforma de catro chanzos de granito e base prismática con relevos nos extremos superiores e molduras centrais. Fuste octogonal de sección cadrada no contacto coa base, e cunha imaxe de San Xoán na parte superior. Capitel troncopiramidal inverso…

Cruceiro de capeliña realizado en cantaría de granito, situado ao noroeste do lugar de Or, sobre o cruce principal de acceso. Plataforma de tres chanzos sobre a que se ergue un fuste prismático coas arestas chafranadas coa data de construción inscrita (1651). Capitel troncopiramidal con relevo frontal que sostén unha capela cunha imaxe tallada en madeira, e remata nunha cruz de sección cadrada con remates nos vértices e cun Cristo no anverso.

As tres figuras que…

Cruceiro do tipo de capeliña de granito situado nun extremo do lugar de Brión, á beira da estrada principal, no cruce que leva á Escola de Abuín. Plataforma de tres chanzos sobre a que se ergue un fuste octogonal. Capitel con molduras que sostén unha capela sen imaxe, coroada por unha cruz de sección cadrada cun cristo no anverso. A capeliña ten un anxo ornamental na fronte. Foi…

Cruceiro de granito situado ao sur do lugar de Meiquiz. Plataforma de tres chanzos e base prismática sobre a que se ergue un fuste octogonal de sección cadrada no apoio. Capitel troncopiramidal inverso decorado con volutas, rostros de querubíns, e decoración vexetal. Cruz de sección circular e aspecto leñoso cun Cristo no anverso e unha Virxe no reverso.

Tamén coñecido como o Cruceiro da Aldea Maldita de Abuín, é de granito situado ao noroeste do lugar de Abuín. Está asentado directamente sobre un penedo rochoso, con fuste de sección cadrada coas arestas chafranadas. Tan só se conserva parte do capitel, de formas pouco definidas. O nome fai referencia ás historias que se contan da época da Inquisición, xa que por esta zona…

Cruceiro sen imaxes, xunto ao acceso norte do Parque de Isorna. Plataforma de dous chanzos e cruz latina de sección cadrada, cun engrosamento no apoio.

Cruceiro de granito situado á beira dun camiño o sur do núcleo, preto muíño do rego de Bacelo. Cruceiro con capela sobre plataforma de dous chanzos e fuste octogonal moi groso. Capela coa imaxe dunha Virxe, apoiada sobre un capitel troncopiramidal inverso con relevo frontal. Cruz de brazos de sección cadrada con remates nos vértices e un Cristo no anverso.

…

Cruceiro de granito que se empraza no lugar de Quintáns, á beira do río Ulla. Non forma parte do vía crucis da Ruta Xacobea do Mar de Arousa, posto que é moito máis antigo que os que forman esta ruta.…

Cruceiro de granito situado á beira do camiño real, no interior dun recinto cercado por un muriño de pedra. Plataforma de dous chanzos con base cadrada de dous corpos, con toro e escocias superiores e inscricións nos catro lados do volume inferior, coa data de construción do cruceiro (1907). Fuste octogonal de sección cadrada no contacto coa base e capitel decorado con formas vexetais e rostros de querubíns. Cruz de sección circular e carácter leñoso cun Cristo no anverso…

Cruceiro de capela no medio de Isorna. Ten unha pequena plataforma cuadrangular de tres graos e carece de pedestal. O fuste é octogonal con adornos nos chafráns e contén unha imaxe. A capela está ornamentada. A base ten molduras e ten un anxo alado. O tellado é a catro augas e o teito plano. Contén dúas imaxes no interior e un soporte para candís. O Cristo ten as mans abertas, coroa de espiños e cartela de INRI.

Cruceiro de granito, situado nunha finca á beira do río Ulla, xunto á ponte de Catoira. Plataforma de dous chanzos e base prismática sobre a que se ergue un fuste de sección cadrada. Capitel troncopiramidal inverso con escenas en baixorrelevo e cruz de sección cadrada cun Cristo no anverso e unha Virxe no reverso.

No Parque de Isorna, cruceiro con plataforma e pedestal cuadrangulares, co pedestal moi moldurado e cunha gran escocia. Fuste octogonal diminuído con pedestal octogonal liso. Capitel tamén octogonal con volutas, cunchas e querubíns, co astrágalo tamén octogonal e o ábaco común de lados curvos e vértices chafranados. Sección da cruz octogonal con remates florenzados con botón central. Cristo crucificado coa cabeza cara adiante, coroa de espiñas, pano suxeito cunha corda e…

Antigo cruceiro de granito situado sobre o acceso ao lugar da Lagarteira, fronte á fonte do mesmo nome. Tan só se conserva parte do fuste de sección cadrada, sobre unha base con toro e escocias apoiada nunha plataforma de dous chanzos.

Conxunto de tres cruces situadas no Puntal da Braña, que forma parte dun vía crucis á beira do río Ulla, xunto ao Cruceiro do Cabo, en Quintáns.

Conxunto de tres cruceiros, co do medio de maiores…

Cruceiro de granito que está situado á beira da estrada a Somoza. Ten unha plataforma de tres chanzos e base circular sobre a que se ergue un fuste tamén circular, ao que lle faltaba a cruz e o capitel de remate.

Cruz de granito sobre o muro de peche dunha vivenda, no extremo sur do lugar do Batán, xunto á estrada principal. Cruz de sección octogonal e brazo inferior máis longo, cunha imaxe en relevo na parte central.

En Somoza de Abaixo, cruceiro de plataforma e pedestal cuadrangulares, este último moi moldurado e con gran escocia; fuste octogonal con estremos cadrados, capitel cuadrangular con volutas, follas, querubíns e cunchas, astrágalo liso e ábaco de lados curvos e vértices chafranados; cruz de sección octogonal; Cristo crucificado bendicindo con ambas mans, pergameo de INRI e pano de pureza anoado cunha corda; Virxe orando coas mans en cruz sobre o peito sobre unha peaña.

Cruceiro de granito situado á entrada do centro sur do lugar de Somoza, fronte á fonte e lavadoiro de Rial. Base prismática coas arestas superiores chafranadas sobre a que apoia un fuste de sección octogonal. Pequeno capitel con molduras e decoración superior, baixo unha cruz sen imaxes con brazos de sección hexagonal e relevos nos vértices.

Singular cruceiro do lugar da Mámoa, moi similar ao outro cruceiro da Mámoa. Ambos presentan moitos elementos comúns e relativamente infrecuentes entre os cruceiros do Concello.

A plataforma é cuadrangular de tres graos. Os vértices de cada esquina dos chanzos van adornados cunha forma ondulada que remata en volutas. O pedestal é cuadrangular, moi moldurado e cunha gran escocia. O fuste é de sección cuadrangular coa base e tope de maior grosor e cos paramentos…

Cruceiro de granito situado ao sur do lugar de Burés, sobre o camiño principal que o atravesa. Plataforma acaroada á fachada lateral dunha vivenda, composta por dous chanzos de granito e base prismática coas arestas superiores chafranadas. Fuste octogonal con remate inferior cadrada en contacto coa base. Capitel decorado con motivos vexetais e volutas nos extremos, baixo unha cruz latina de sección circular e aspecto leñoso, cun Cristo no anverso e unha Virxe no reverso…

Vía crucis composto por seis cruces situadas a ambos lados da estrada principal do lugar da Igrexa, en torno ao Cruceiro do Calvario. Cruces latinas sen imaxes, apoiadas sobre plataforma cadrada e base prismática, realizadas en cantaría de granito. Sección cadrada coas arestas chafranadas con decoración sinxela nos vértices superiores e brazo inferior mais longo apoiado directamente sobre a base.…