Busca

Inaugurado o 21 de agosto de 1966, trátase dun cruceiro do tipo de imaxe, localizado carón do Camiño de Santiago. Segundo Estanislado Fernández de la Cigoña Núñez, esta columna co Apóstolo Santiago, forma parte do Via Crucis da Ruta Xacaboea do Mar de Arousa.

Na entrada ao parque infantil da avenida de Vigo, emprázase un cruceiro do tipo de cruz, probablemente vinculado á Igrexa Parroquial de Pontecesures, situada a poucos metros deste.

Cruz sobre conxunto edificatorio de acceso a vivenda en Infesta, á beira do Camiño de Portugués. Na parte superior da entrada lese a seguinte inscrición: “UNA DE DOS O NO ENTRAR AQUI O ALABAR A DIOS. ANO DE 1814”. A razón de colocar unha cruz sobre as portas era a de evitar "a entrada do demo na casa".

Cruz sobre conxunto edificatorio de acceso a vivenda en Infesta, á beira do Camiño de Portugués. Na parte superior da entrada e nunha pedra lense as seguintes inscricións: “NADIE PASE ESTE UMBRAL O A DIOS ALABAR. AÑO 1814" e "BREVE LA VIDA. NADIE PASE". A razón de colocar unha cruz sobre as portas era a de evitar "a entrada do demo na casa".

Cruz sobre conxunto edificatorio de acceso a unha vivenda no lugar Carreiras, coñecido como A Horta do Curto. O cerramento é de cantaría con arco de medio punto, coroado por unha sinxela cruz. Existe outra cruz máis inserida na fachada da vivenda.…

Cruz de granito, ao carón do Camiño de Santiago, asentada sobre unha base de cantería co pedestal cúbico.

Cruz pola que pasaba o camiño por onde se levaban os defuntos para soterrar a Pontecesures.

Cruz sen imaxes situada ao lado doutra cruz, sobre o muro do adro da Igrexa de Santa María de Asados, e que posiblemente formaban parte dun antigo vía crucis. Está resolta nunha soa peza de granito, de sección cadrada con arestas chafranadas e remates con molduras nos vértices.

Cruz sen imaxes situada ao lado doutra cruz, sobre o muro do adro da Igrexa de Santa María de Asados, e que posiblemente formaban parte dun antigo vía crucis. Sinxela cruz resolta nunha soa peza de granito, de sección cadrada con arestas chafranadas, á que lle falta parte dun brazo.

Cruceiro de capela construído en granito, formado por unha plataforma cuadrangular de tres chanzos, sobre o que se asenta a columna de sección octogonal que comeza e remata en forma cadrada. A parte superior da columna está decorada con cunchas de vieira e caras, unha en cada esquina.

A capeliña…

Cruz de granito situada no camiño á Igrexa de Santa María de Leiro. Pequena cruz latina de sección cadrada apoiada sobre unha base prismática.

Cruceiro de granito situado á beira da estrada que leva á Igrexa de Santa Baia do Araño, nun extremo do campo que rodea á Capela dos Milagres, no antigo campo da festa. Carece de pedestal. Plataforma de tres chanzos sobre a que se ergue un fuste octogonal, cos…

Cruceiro de granito no interior do cemiterio, xunto á Igrexa de Santa María de Leiro. Base prismática sobre a que se ergue un fuste octogonal con de sección cadrada no contacto coa base. Capitel troncopiramidal inverso con molduras, que sostén unha cruz sen imaxes de sección octogonal con remates cuadrangulares nos vértices superiores.

Vía crucis sobre o muro do adro da Igrexa de Santa María de Leiro. Cruces latinas sen imaxes, de sección cadrada e arestas chafranadas, con remates nos extremos. Realizadas en cantaría de granito, están apoiadas sobre bases cúbicas insertadas no muro de cachotaría do adro da igrexa.

Cruceiro de granito situado sobre uns penedos no acceso á praza central do lugar da Capela, xunto á Fonte da Capela e á Capela do Pazo dos Calotes. Tan só se conserva o fuste, de sección hexagonal sobre unha base cadrada e plataforma de dous chanzos de granito. Existe unha…

En Sestelo, na Praza de Faustino Rey Romero, álzase sobre unha pedra tosca sen labrar este cruceiro de pedestal cuadrangular recadrado, fuste octogonal, capitel cúbico co astrágalo octogonal liso e decorado con volutas, follas e cabezas de anxo con ás. A cruz é de sección cuadrangular, está recrucetada e decorada con remates florenzados con botón central. O Cristo crucificado ten a cabeza ergueita e carente de coroa e no reverso está representada a Piedade. Na pedra deste…

Cruceiro de granito no interior dunha finca particular dunha vivenda situada xunto á Igrexa de Santa María de Isorna. Plataforma de tres chanzos e base prismática sobre a que se ergue un fuste de sección cadrada. Capitel troncopiramidal inverso decorado con motivos vexetais, no que apoia unha cruz de sección circular e aspecto leñoso, cun Cristo no anverso e…

Cruceiro de granito situado á beira da estrada principal de Sestelo, nunha encrucillada de camiños ao norte da Igrexa de Santa María de Leiro. Plataforma de dous chanzos e base cúbica sobre a que se ergue un fuste octogonal con sección cadrada no apoio. Capitel troncopiramidal inverso decorado con volutas e rostros de querubíns. Cruz de sección circular e aspecto leñoso cun Cristo no anverso e unha Virxe no reverso.

Cruceiro de granito situado no interior da finca do Pazo dos Calotes, xunto ao acceso á Capela do Pazo dos Calotes. Plataforma cadrada e base prismática sobre a que se ergue un fuste de sección circular. Falta a cruz e parte do capitel, con decoración vexetal.

Vía crucis na contorna do adro da Igrexa de Santa Baia do Araño, situado na fachada que dá á estrada, sobre o muro de peche de cachotaría. Cruces de sección octogonal con remates florais nos vértices e apoio cuadrangular inferior.

Cruz de granito sobre o muro de peche dunha finca situada no centro do núcleo, no camiño interior que baixa á praza principal. Sección cadrada e base troncopiramidal, coa imaxe dun cristo no anverso da cruz.

Cruceiro situado xunto á fonte e lavadoiro de Suigrexa. Plataforma de dous chanzos e pedestal troncopiramidal, sobre a que se ergue a cruz, dunha soa peza de granito e sección cadrada, coas arestas chafranadas e decoración nos vértices superiores. Representacións figurativas coa imaxe dun Cristo no anverso da cruz e unha pequena Virxe central.

Cruceiro de granito situado no espazo verde da Lomba, entre os lugares de Rañó e Abuín. Plataforma de planta cadrada composta por cinco chanzos e base prismática con molduras xeométricas nas catro caras. Fuste circular, con remate en sección cadrada moldurada no contacto coa base, e capitel con decoración vexetal e rostros de anxos nas frontes. Cruz latina de sección circular e aspecto leñoso, cun cristo no anverso e unha virxe no reverso. Trátase dun antigo cruceiro…

En Rañó, no Parque Josefa Cerqueiras, fermoso cruceiro do século XVII de plataforma cuadrangular de cinco graos, pedestal cuadrangular de paramentos recadrados e caveiras nos ángulos, fuste octogonal con pedestal cuadrangular recadrado, e imaxe dun bispo. Capitel cúbico de astrágalo cuadrangular liso, ábaco de lados rectos e decoración de volutas, follas de acanto e flores. A cruz, de sección cuadrangular e recrucetada, ten brazos con mediacana e remates florenzados con…