Busca

Conxunto de tres hórreos ou cabaceiros de tamaño medio erixidos sobre pés e cepas de cantaría que pertencen a unha tipoloxía mixta (2) e labrados integramente en pedra (1). Trátase dunha versión canónica da comarca caldense, característico por presentar cámara rectangular de estrutura pétrea pechada por táboas de madeira ou fiadas de granito horizontais regulares, que lle conceden unha estilizada proxección vertical. Entre a soleira e a cámara un conxunto de pés e cepas,…

Hórreo que forma parte do conxunto de edificacións da Finca de Patiño.

Hórreo singular de tres claros erixido sobre cepas de cantaría de grande altura que pertence a unha tipoloxía mixta, isto é erguido en pedra e madeira. Nun dos alzados penais lemos: "VIVA JESUS Y MARIA / AÑO 1856 / ESTA OBRA SE HIZO POR D. Frco / ANTº FERNz Y SUMr Frca YSORNA". Máis arriba, no frontón triangular: "POR EL MRº ANTº CAEIRO".

Construído na década de 1950, substituíu a un hórreo de pedra e claros de madeira que se conserva parcialmente no patio da vivenda. O novo hórreo conservou a soleira de pedra (que fai as veces de lintel do portalón de entrada), mais utilizando materiais prefabricados, levantou unhas paredes e unha cuberta de nova factura que lle permite almacenar na súa cámara un maior volume de cereal.

Hórreo de tres claros e tipoloxía mixta (pedra e madeira), que se ergue sobre unha soleira de pedra con beiril, e que fai ás veces de lintel do portalón de entrada, que fai ás veces de tornarratos.

Hórreo no lugar do Outeiriño de tipoloxía mixta, construido en pedra e madeira, de tres claros combinando nos seus soportes os pés e as cepas, cuns remates nos dous extremos do tellado, que simbolizan a abundancia co pináculo e o sentido sagrado do pan, coa cruz.

Hórreo no lugar de Barral.

Hórreo de tres claros e tipoloxía mixta (pedra e madeira) que se ergue sobre dous pares de cepas que se chantan sobre o muro de peche dun eido particular, xusto á beira do camiño. O canastro, a cuxa cámara se accede por medio dunha escaleira lateral de madeira, aparece decorado nos alzados penais cun pináculo e unha cruz latina (hoxe desaparecida) respectivamente.